05, ივლისი 2018 14:14:00
გვიანობამდე გაგრძელდა შეხვედრა აჭარის უმაღლესი საბჭოს დეპუტატებს, პარლამენტის წევრებსა და ზურაბ პატარაძეს შორის. არაფორმალურ გარემოში პოლიტიკოსები გუშინ, მახინჯაურში, ერთ-ერთ რესტორანში შეიკრიბნენ. განიხილებოდა თუ არა შეხვედრაზე მთავრობის ახალი თავმჯდომარის კანდიდატურა? პოლიტიკოსებმა კონკრეტიკისგან თავი შეიკავეს. მათ ნაწილი კი აცხადებს, რომ ეს ჩვეულებრივი ვახშამი იყო, სადაც პატარაძის გაცილება აღნიშნეს. თუმცა ზოგიერთმა არც სავარაუდო კანდიდატებზე საუბარი გამორიცხეს.