13, ივლისი 2018 14:04:00
ქობულეთში, საზაფხულო სკოლა „ლიდერთა აკადემია“ გრძელდება. 60 მოსწავლე 10 დღის განმავლობაში გონებრივ და ფიზიკურ აქტივობებს გაივლიან, რომლებიც მათ საჭირო უნარ-ჩვევების გამომუშავებაში დაეხმარებათ. საზაფხულო ბანაკის მიზანია მოზარდების გააქტიურება, მათი იდეებისა და ინიციატივების რეალიზება, რათა სამომავლოდ გახდნენ აქტიური მოქალაქეები, იზრუნონ მათ თემზე და სკოლაზე, შეძლონ პრობლემების იდენტიფიკაცია და ადვოკატირება. ბანაკი წელს აჭარის განათლების სამინისტროს მხარდაჭერით იმართება.