22, თებერვალი 2017 20:48:00
ქობულეთის საკრებულოში დღეს არასამთავრობო ორგანიზაციის მიერ წარდგენილი პეტიციის მიზანშეწონილობაზე იმსჯელეს. ადგილობრივები ცენტრალური სასაფლაოს შემოღობვას, სასმელი წყლის შადრევნების მონტაჟს, ჭიშკრებზე ფირნიშების მიმაგრებას და სკვერის მოწყობას ითხოვენ. საკრებულოს იურიდიული კომისიის გადაწყვეტილებით, პეტიციაში მოყვანილი ყველა საკითხი პრიორიტეტულია, შედეგად შესაბამისი დოკუმენტი მუნიციპალიტეტის გამგეობას განსახილველად უკვე გადაეგზავნა. გაითვალისწინებს თუ არა გამგეობა მოსახლეობისა და „დემოკრატიის ინსტიტუტის“ მოთხოვნას ეს რამდემდენიმე დღეში გახდება ცნობილი. პროექტი „პეტიცია-ხალხის ხმა თვითმმართველობაში“ დემოკრატიის ინსტიტუტი ახორციელებს.