22, თებერვალი 2017 20:47:00
მოსწავლეებისთვის ექსტერნის გამოცდების ჩატარების განრიგი განისაზღვრა. რეგისტრაციის გავლა მსურველებს დღეიდან 2 მარტის ჩათვლით შეეძლებათ. გამოცდაზე გასვლის უფლება აქვთ იმ პირებს, რომლებიც გარკვეული მიზეზების გამო ჩამოშორებული არიან სასწავლო პროცესს და არ აქვთ სრული ზოგადი განათლების დამადასტურებელი დოკუმენტი. ასევე იმ პირებს, რომლებიც სწავლობენ სკოლაში, თუმცა მათი ასაკი აღემატება კანონმდებლობით განსაზღვრულ მინიმალურ ასაკს და გამოთქვამენ სურვილს პროგრამის ექსტერნის ფორმით დაძლევასთან დაკავშირებით. გამოცდები მიმდინარე წლის 15 მარტიდან 25 მარტის ჩათვლით ჩატარდება. გასულ წელს მხოლოდ ბათუმში ექსტერნის გამოცდის ჩაბარების მსურველი 156 პირი დარეგისტრირდა.