17, ივლისი 2018 20:12:00
ვიდრე პრეზიდენტი აჭარის მთავრობის თავმჯდომარეობის კანდიდატს წარადგენდა, არმაზ ახვლედიანმა მინისტრთა კაბინეტის წევრები დაასახელა. იმ შემთხვევაში თუ პრეზიდენტი ახვლედიანის კანდიდატურას მხარს დაუჭერდა, მაშინ ჯანდაცვის სამინისტროს მზია დიდმანიძე, განათლების სამინისტროს კი ირინა ხაჟალია უხელმძღვანელებდა. რაც შეეხება ფინანსთა და ეკონომიკის სამინისტროს მალხაზ ნაკაშიძე ჩაიბარებდა. ახვლედიანმა სოფლის მერუნეობის მინისტრობის კანდიდატად ჯემალ ცეცხლაძე დაასახელა. ახვლედიანის განცხადებით, კადრები პროფესიონალიზმის მიხედვით შეარჩია და ისინი რეგიონის განვითარებისთვის მნიშვნელოვან წვლილს შეიტანდნენ.