23, ივლისი 2018 20:50:00
დღეიდან აჭარის მთავრობის აპარატს არჩილ ჩიქოვანი უხელმძღვანელებს. პოსტზე მან გოჩა ჯაში ჩაანაცვლა. ჩიქოვანი მანამდე აჭარის საგზაო და სამელიორაციო სისტემების დეპარტამენტის ხელმძღვანელი იყო. უკვე მოქმედი ხელმძღვანელი მთავრობის აპარატში თორნიკე რიჟვაძის სურვილით დაინიშნა. ცნობისთვის, თორნიკე რიჟვაძე არჩილ ჩიქოვანის მეჯვარეა. ჩიქოვანი ამბობს, რომ ეს სტატუსი მუშაობაში ხელს არ შეუშლის. საგზაო დეპარტამენტში გადასვლამდე, 2013-2017 წლებში ჩიქოვანს მთავრობის აპარატის მონიტორინგის დეპარტამენტის უფროსის პოსტი ეკავა.
აჭარის მთავრობის აპარატში კიდევ ერთი საკადრო ცვლილება განხორციელდება. თორნიკე რიჟვაძის მრჩევლად სავარაუდოდ, და ფინანსთა და ეკონომიკის სამინისტროს საზოგადოებასთან ასევე, მედიასთან ურთიერთობის განყოფილების უფროსი ინიშნება. ჩვენი ინფორმაციით, თამარ დიასამიძეს პოსტზე ოფიციალურად ხვალ წარადგენენ.