27, ივლისი 2018 20:02:00
აჭარის მაღალმთიანეთში ლიტერატურული ფესტივალი ,,ზე-კართან“ მეექვსედ გაიმართება. ღონისძიების არეალი გაფართოვდა და შუახევისა და ხულოს მუნიციპალიტეტები მოიცვა. აქტივობების რიცხვს კინო-პოეზიის განყოფილებაც დაემატა. ორგანიზატორები ამ მიმართულებით კონკურსს აცხადებენ. კონკურსი 5 აგვისტომდე გაგრძელდება და მასში მონაწილეობა ნებისმიერ მსურველს შეუძლია. ლიტერატურული ფესტივალი ოფიციალურად შუახევში გაიხსნება. „ზე-კართან“ წარმოადგენს ღონისძიებათა ციკლს მწერალთა ლიტერატურული ექსპედიციის ფარგლებში. მისი მიზანი თანამედროვე ლიტერატურული პროცესების ხელშეწყობა და აჭარის მაღალმთიანეთის პოპულარიზაციაა.