09, აგვისტო 2018 20:11:00
ახალი სასწავლო წლიდან, მოსწავლეები აგვისტოს ომის გმირების ისტორიებს ისწავლიან. განათლების სამინისტროში აცხადებენ, რომ ისტორიები ახალი საგნის ,,თავდაცვა და უსაფრთხოება“ სახელმძღვანელოში შევა. პროექტი საპილოტეა და მასში პირველ ეტაპზე რამდენიმე სკოლა ჩაერთვება. ახალი სახელმძღვანელო განათლებისა და თავდაცვის სამინისტროების ერთობლივი პროექტია. სახელმძღვანელოზე მუშაობა უკვე დასრულებულია. საგანი მეათე კლასის მოსწავლეებისთვის იქნება განკუთვნილი.