13, აგვისტო 2018 20:03:00
ფერმათა და ფერმერთა რეგისტრაციის პროექტი დაიწყო. ქვეყნის მასშტაბით, სასოფლო - სამეურნეო საქმიანობით დაკავებულ პირთა აღრიცხვაა დაგეგმილი. პირველ ეტაპზე ის ფერმერები დარეგისტრირდებიან, რომელთაც საკუთრებაში გააჩნიათ მიწის ნაკვეთი, მათი ჯამური ფართი კი 0,25 ჰას აღემატება. პროგრამაში ჩართვისთვის აუცილებელია, რომ ფერმერი სახელმწიფოს მიერ სასოფლო - სამეურნეო პროგრამის მონაწილე იყოს. იმ ფერმერებს კი რომელთაც მიწა საკუთრებაში ამ დრომდე არ აქვთ, დარეგისტრირება რეესტრის ცხელი ხაზის მეშვეობით შეეძლებათ - 1501-ზე. პროექტის მიზანია შეიქმნას საინფორმაციო ბაზა, რაც მომავალში სხვადასხვა სამიზნე ჯგუფების სწორად შერჩევას შეუწყობს ხელს.