16, აგვისტო 2018 20:13:00
ერთიანი ნაციონალური მოძრაობა ხელვაჩაურის მერს კორუფციულ გარიგებაში ადანაშაულებს. საქმე კაპრეშუმში სოციალური სახლის მშენებლობას ეხება. მიშა ბოლქვაძე ირწმუნება, რომ ტენდერში გამარჯვებული კომპანია შპს „მომავლის ხედვა“ და ჯუმბერ ვარდმანიძე თანხების მითვისებას ცდილობენ. ოპოზიციონერ დეპუტატებს კითხვის ნიშნები აქვს თუ რატომ იხარჯება 3 მილიონ 335 ათასი ლარი 39 ბინიანი სოციალური სახლის ასაშენებლად, მაშინ, როცა 2015 წელს იმავე სოფელში 48 ბინიანი კორპუსი 2 მილიონ 77 ათას ლარად აშენდა. ბრალდებას უარყოფს ხელვაჩაურის მერი. ჯუმბერ ვარდმანიძის განცხადებით ბრალდება უსაფუძვლოა.