23, აგვისტო 2018 20:35:00
ბათუმში, მიკრო და მცირე მეწარმეობის სახელმწიფო მხარდაჭერის პროგრამის პრეზენტაცია გაიმართა. გასულ წლებთან შედარებით წელს სიახლეებია: თუ სახელმწიფო ბიზნეს იდეას 15 ათას ლარამდე აფინანსებდა, წელს ბიუჯეტი 20 ათას ლარამდეა გაზრდილი. მათ ვინც უკვე ისარგებლა პროგრამით 50 % თანადაფინანსება ბენეფიციარს მოუწევს. ონლაინ რეგისტრაცია 20 აგვისტოს დაიწყო და 2 სექტემბრამდე გაგრძელდება. დაინტერესებულ პირს დაფინანსების მიღებამდე რამდენიმე ეტაპის გავლა მოუწევს - მათ შორის აპლიკაციის შევსება, ბიზნეს გეგმის კონკურსი და ტრენინგი ზოგად მეწარმეობაში. შეხვედრას აწარმოე საქართველოს პროგრამით მოსარგებლე და პოტენციური მეწარმეები ესწრებოდნენ.