27, აგვისტო 2018 20:52:00
ნაციონალურ მოძრაობა აჭარის ფინანსთა და ეკონომიკის ყოფილ მინისტრსა და მთავრობის ყოფილ თავმჯდომარეს კორუფციულ გარიგებაში ადანაშაულებს. გელა დეკანაძის განცხადებით, დავით ბალაძემ და არჩილ ხაბაძემ თავის დროზე ახალი ბულვარის ტერიტორიაზე, 15 ათასი კვადრატული მიწის ნაკვეთი საცხოვრებელი სახლის ასაშენებლად პირდაპირი მიყიდვის წესით, ახლად დაარსებულ კომპანიას გადასცეს, შემდეგ კი ამ კომპანიამ ტერიტორია ერაყის მოქალაქეებზე გაასხვისა. სწორედ ახალმა მფლობელებმა გადაიხადეს საპრივატიზაციო თანხა. გელა დეკანაძის მტკიცებით, ხელშეკრულებაში გაწერილი იყო, რომ მშენებლობის უფლება მხოლოდ სამშენებლო კომპანია ანაგს ექნებოდა. ხაბაძემ და ბალაძემ დღეს ჩვენს სატელეფონო ზარებს არ უპასუხებს. კომპანია ანაგში ბრალდებას აბსურდი უწოდეს.