26, თებერვალი 2017 20:35:00
„მოჯადოებული ფერია“ - ასე ჰქვია სპექტაკლს, რომლის პრემიერა ბათუმის თოჯინებისა და მოზარდ მაყურებელთა თეატრში დღეს გაიმართა.
სპექტაკლში მარადიული სიყვარული და ერთგულება ბოროტებას ამარცხებს. მოვლენა ჯადოსნურ ტყეში ვითარდება. ზღაპრის გმირები სურვილების ახდენას აქ ნატვირის ხესთან ცდილობენ. მსახიობებთან რეჟისორი ნინო დავითაშვილი მუშაობდა.
სპოექტაკლი „ჯადოსნური ფერია“, 7 წლის შემდეგ ნორჩი მაყურებლების წინაში განახლებული ვერსიით და ახალი სახეებით დაიდგა.
მოქმედ მსახიობებთან ერთად, ახალ სპექტაკლში დებიუტანტი მსახიობებიც მონაწილეობენ. მათ შორისაა ფერიას მთავარი როლის შემსრულებელიც.
ფერადი და საუკეთესო მუსიკალური გაფორმებით, სპექტაკლ „მოჯადოებული ფერიას“ გმირები მაყურებელს, დაუვიწყარ ზღაპრის სამყაროში მოგზაურობას ჰპირდებიან.