ყვავილი - მცენარე, რომელიც საზოგადოებაში ქალთან ასოცირდება და მიიჩნევა, როგორც სინაზისა და მათდამი პატივისცემის ერთგვარ გამოხატულებად.
საერთაშორისო არასამთავრობო ორგანიზაცია ,,მერსი ქორფსის“ ინიციატივით, 2015 წელს, აჭარის მუნიციპალიტეტებში, ,,ქალთა ოთახები“ შეიქმნა.
მუნიციპალური სერვისის მიზანია ადგილობრივ მოსახლეობას დაეხამროს, განსაკუთრებით სოფლად მცხოვრებ ქალებს მუნიციპალიტეტთან ურთიერთობაში, გაზარდოს და წაახალისოს ქალთა თანამონაწილეობა თვითმმართველობის დონეზე გადაწყვეტილების მიღების პროცესში.
გამომდინარე იქედან, რომ პროექტის მთავარი მიზანი ქალების გაძლიერება და არსებული დამოკიდებულებების შეცვლაა, რას შეიძლება ნიშნავდეს ,,ქალთა ოთახის“ ლოგოზე გამოსახული - ყვავილი გვირილა? გენდერის მედიაცენტრის დირექტორი აჭარაში, სხვა არასამთვარობო ორგანიზაციების საქმიანობის შეფასებისაგან თავს იკავებს, თუმცა თამილა დოლიძე აქვე ამბობს, რომ ,,ყვავილი არაფერს ნიშნავს და ფაქტი არ არის დისკრიმინაციული“.
,,ყვავილი ქალთან ასოცირდება“ - ამბობს შუახევის ,,ქალთა ოთახის“ მენეჯერი და მიიჩნევს, რომ ლოგო პროექტის სახელის შესაბამისია. თამილა ფუტკარაძისთვის გაუგებარია რა იგულსხმეს ლოგოში იდეის ავტორებმა, თუმცა ფიქრობს, რომ გვირილა სიძლიერის სიმბოლოა და შესაბამისად, პროექტის იდეა და ლოგო ერთმანეთთან წინააღმდეგობაში არ მოდის.
ლოგოს ჩანაფიქრი, გაუგებარია ქედის ქალთა ოთახის მენეჯერისთვისაც, თუმცა ამბობს, რომ ,,ყვავილი არ ნიშნავს სუსტი სქესის სიმბოლოს“. თეა შარაშიძის განცხადებით, სახელის მიუხედავად , სერვისით თანაბრად მუნიციპალიტეტში მცხოვრები ორივე სქესის წარმომადგენელი სარგებლობს.
,,ქალთა ოთახები“ საერთაშორისო ორგანიზაცია ,,მერსი ქორფსმა“ პროექტის - კავკასიის ალიანსების პროგრამის ფარგლებში შექმნა. პირველად პროექტი 2012 წელს, ქვემო ქართლში ამოქმედდა, ლოგოზე კონკურსიც სწორედ მაშინ გამოცხადდა. ორგანიზაციაში აცხადებენ, რომ ლოგოს შექმნაში მათ მონაწილეობა არ მიუღიათ, - ,,დიზაინერები სამ მუნიციპალიტეტში, ადგილობრივ მოსახლეობას ინტენსიურად ხვდებოდნენ და სწორედ მათთან კონსულტაციების შედეგად იქნა შერჩეული აღნიშნული ლოგო. რაც შეეხება დანარჩენ რეგიონებს, გამომდინარე იქედან, რომ საპილოტე პროგრამამ გაამართლა. სხვა მუნიციპალიტეტებშიც უკვე არსებული მოდელით დაიწყო პროექტის განხორციელდა“.
,,ქალთა ოთახები“ დაარსებიდან მალევე მუნიციპალიტეტების დაქვემდებარებაში გადავიდა. ქედა კი აჭარაში ერთაერთი მუნიციპალიტეტია, სადაც ადგილობრივმა ხელისუფლებამ პროექტისთვის თანხები გამოყო. ქედის ,,ქალთა ოთახის მიმდინარე წლის ბიუჯეტი 5 ათას 600 ლარს შეადგენს.