20, სექტემბერი 2018 20:03:00
ბათუმის ბულვარის მთლიან პერიმეტრზე მავნებელ დაავადებათა გავრცელების თავიდან აცილების მიზნით, ქიმიური წამლობა დაიწყო.
პრევენციული ღონისძიებების ფარგლებში, 25 ათას ძირამდე სხვადასხვა ჯიშის მრავალწლოვანი ხე-მცენარე, ძველი და ახალი ბულვარის ტერიტორიაზე ეტაპობრივად შეიწამლება. ბულვარის ადმინისტრაციაში აცხადებენ, რომ ქიმიური წამლობა მოსახლეობისთვის საფრთხეს არ წარმოადგენს. სანიტარულ-პროფილაქტიკურ ღონისძიება წელიწადში შვიდჯერ ხორციელდება.