21, სექტემბერი 2018 20:30:00
აჭარის ფინანსთა და ეკონომიკის ყოფილი მინისტრის დავით ბალაძის „ალიანს ჯგუფში“ დასაქმებას მედეა ვასაძე გამოეხმაურა. გაერთიანებული ოპოზიციის „ძალა ერთობაშიას“ წევრი ირწმუნება, რომ დავით ბალაძემ მისი მინისტრობის დროს სამშენებლო კომპანიას რუსთაველის ქუჩაზე მიწის ნაკვეთიპირდაპირი მიყიდვის წესით გადასცა. ფიქრობს, რომ სწორედ ეს გახდა მისი დაწინაურების წინაპირობა. მისივე თქმით, დავით ბალაძისა და არჩილ ხაბაძის მმართველობის პერიოდში ბევრი კორუფციული ფაქტი დაფიქსირდა, თუმცა დღემდე გამოუძიებელია. დღესვე ბრიფინგზე მედეა ვასაძე ბათუმში საფეხბურთო სტადიონის მშენებლობასაც გამოეხმაურა. ირწმუნება, რომ კომპანია „ანაგმა“ მსენებლობის პროცესში 18 მილიონი ლარის დამატება მოითხოვა, რაც მთავრობამ დაუკმაყოფილა. ბრალდებას უარყოფს ანაგის იურისტი. ირწმუნება, რომ გაფორმებული ხელშეკრულებაში რაიმე სახის ცვლილება დღემდე არ განხორციელებულა. მედეა ვასაძის ბრალდებებს დავით ბალაძემ არ უპასუხა. კომენტარი არც აჭარის ფინასნთა და ეკონომიკის სამინისტროში გაკეთდა.