21, სექტემბერი 2018 20:05:00
„ალტერნატიული ტალღა 2018“ ბათუმის საერთაშორისო კინოფესტივალის, BIAFF-ის ინდუსტრიული პლატფორმის ფარგლებში მიმდინარეობს. პროექტი კინოსკოლის ორგანიზებას გულისხმობს. „ალტერნატიული ტალღა 2018“ მიზანია კინოფესტივალის ფარგლებში საერთაშორისო დონის, მოკლევადიანი და პრაქტიკული უნარ-ჩვევების განვითარებაზე ორიენტირებული ტრენინგების და ვორქშოპების ჩატარება, რაც კინოსკოლის განვითარებასა და პროფესიული უნარ-ჩვევების გაღრმავებაზე აისახება. "ალტერნატიული ტალღა" მონაწილეობისათვის შერჩეული იქნა 8 პროექტი, საიდანაც 6 არის საქართველოდან, 1 თურქეთიდან და 1 კი უკრაინიდან. “ალტერნატიული ტალღა” 2018-ის დასასრულს, კინოინდუსტრიის წარმომადგენლებისთვის გამართულ პრეზენტაციაზე გამოვლინდება საუკეთესო პროექტი.