24, სექტემბერი 2018 20:15:00
„ერთიანი ნაციონალური მოძრაობა“ ცესკოს საუბნო საარჩევნო კომისიების წევრების ნათესაური ნიშნით შერჩევაში სდებს ბრალს. პარტიის ოფისში აღნიშნულ საკითხზე ბრიფინგი გაიმართა, სადაც განაცხადეს, რომ საუბნო საარჩევნო კომისიები ,,ქართული ოცნების“ თანამდებობის პირების ნათესავებით დაკომპლექტდა. ირმა ხოროიშვილი ირწმუნება, რომ ამით მმართველი გუნდი არჩევნების გაყალბებისთვის ემზადება. ოპოზიცია ცენტრალურ საარჩევნო კომისიას დაუყოვნებლივი რეაგირებისკენ მოუწოდებს. საკითხზე ცესკოში კომენტარს არ აკეთებენ.