02, ოქტომბერი 2018 14:24:00
ბათუმის საქალაქო სასამართლოს წინ დღეს მორიგი აქცია გაიმართა. 50-მდე ოჯახი მშენებელი კომპანიისგან კუთვნილი თანხების ანაზღაურებას ან მშენებლობის დროულად დასრულებას მოითხოვენ. მათი მტკიცებით მათი თქმით, აბაშიძისა და ჭავჭავაძის ქუჩების კვეთაში 11 წლის წინ ბარაკებში მცხოვრები ოჯახებისთვის საცხოვრებელი სახლი უნდა აეშენებინათ, თუმცა პროცესი დღემდე შეჩერებულია. ადგილობრივების მტკიცებით აღნიშნული შენობა და მიწა ამ დროისთვის სხვა მესაკუთრეზეა გასხვისებული. მათივე თქმით ახალი მეპატრონე ფართებით უზრუნველყოფას არ აპირებს. დღესვე სასამართლოში აღნიშნულ საქმესთან დაკავშირებით სარჩელის პირველი მოსმენა გაიმართა.