03, ოქტომბერი 2018 17:03:00
ერთიანი ნაციონალური მოძრაობის წევრები მორიგ კორუფციულ სქემაზე საუბრობენ. ოპოზიცია ბიუჯეტიდან გახარჯულ ნახევარ მილიონ ლარზე აკეთებს აქცენტს. საქმე ამჯერად აჭარის კულტურული მემკვრიდრეობისა და ძეგლთა დაცვის სააგენტოს ეხება. მირდატ ქამადაძე ირწმუნება, რომ ხულოს ქუჩაზე 200 კვადრატულ მეტრ ფართობზე მუზეუმის გასახსნელად ბიუჯეტიდან 500 ათასი ლარი გამოიყო. ობიექტის რეაბილიტაცია 2016 წლის ბოლოსთვის უნდა დასრულებულიყო. თუმცა მისი მტკიცებით ყოფილი აბანოების ადგილას მუზეუმი დღემდე არ გახსნილა. ოპოზიციონერი დეპუტატი პასუხისმგებელ ორგანოებს მიმართავს და განმარტებებს მოითხოვს რატომ არ გაიხსნა ამ დრომდე შენობაში მუზეუმი.