04, ოქტომბერი 2018 15:50:00
„შპს ალტა“, „შპს ოქეი“, „შპს ზუმერი ჯორჯია“, „შპს ჯორჯიან მობაილ იმპორტი“ და „შპს სმაილი“ საქართველოს პარლამენტის წინააღმდეგ- საკონსტიტუციო სასამართლოში საქმის არსებითი განხილვა მიმდინარეობს. მოსარჩელე მხარეს სადაოდ აქვს ნორმა, რომლის მიხედვითაც აუდიოვიზუალური ნაწარმოების ან ფონოგრამაზე ჩაწერილი ნაწარმოების პირადი მიზნით ასლის დამზადებისას, ჰონორარის გადახდის ვალდებულებას, ამგვარი ნაწარმოების დამზადებისთვის განკუთვნილი მოწყობილობების მწარმოებლებსა და იმპორტიორებს უდგენს. ჰონორარის გადახდაზე პასუხისმგებელ პირად აწესებს საავტორო ნაწარმოების ასლების გამოსაყენებელ მოწყობილობათა მწარმოებლებსა და იმპორტიორებს. ნაცვლად იმ პირებისს, ვინც უშუალოდ ახორციელებს ასლების დამზადებას. მოსარჩელის მტკიცებით კანონით არ არის განსაზღვრული ჰონორარის ფიქსირებული ოდენობაც და იგი დამოკიდებულია ქონებრივი უფლების კოლექტიურ საფუძველზე მმართველ ორგანიზაციის და იმპორტიორების ან მწარმოებლების შეთანხმებაზე. რაც მოსარჩელეთა აზრით, აჩენს ჰონორარის ოდენობის გაუმართლებლად გაზრდის რისკებს . მხარე აცხადებს, რომ საავტორო ასოციაციას ენიჭება განუსაზღვრელი უფლებამოსილება, მოიპოვოს ინფორმაცია იმპორტიორების შესახებ, თუმცა არ არსებობს მკაფიო საკანონმდებლო ბერკეტები, რომლებიც დაიცავს კერძო პირის ხელთ არსებული ინფორმაციის კონფიდენციალურობას. საქმეს საქართველოს საკონსტიტუციო სასამარლოს მეორე კოლეგია განიხილავს.