კანაფის კულტივაცია-ექსპორტის შესახებ კანონპროექტის განხილა 2 თვით გადაიდო. რას უკავშირებს ოპოზიცია მმართველი გუნდის გადაწყვეტილებას? და რა პოზიცია აქვთ დეპუტატებს ქართულინ ოცნებიდან?
პარლამენტმა მთავრობის მიერ ინიცირებული ხმაურიანი კანონპროექტის განხილვა საგაზაფხულო სესიამდე გადადო. ოპოზიციაში პირდაპირ ამბობენ, რომ ამის მიზეზი საპრეზიდენტო არჩევნებია და მმართველ გუნდს ამ თემის ხელახალი წამოჭრით რეიტინგის შემცირების შეეშინდა.
კანაფის კულტივაცია-ექსპორტის შესახებ კანონპროექტის განხილვის გადადების წინააღმდეგია საპატრიარქო, რომელიც პროექტის განხილვის საერთოდ შეწყვეტას ითხოვს.
შს მინისტრი კი ისევ ფართო კონსულტაციებზე საუბრობს. მინისტრის თქმით, ადრე თუ გვიან მთავრობას კანაფის კულტიცავია ექსპორტის სფეროში რეგულირების კომპონენტის შეტანა მაინც მოუწევს.
მინისტრის პოზიციას იზიარებს მმართველი პარტიაც, სადაც აცხადებენ, რომ საპატრიარქოსთან დაპირიპირებას არ აპირებენ. თუმცა როგორ შეძლებენ პოზიციების შეჯერებას არ იციან.
მესამე სექტორშიც ფიქრობენ, რომ „ქართული ოცნება“ წინასაარჩევნოდ საპატრიარქოსთან დაპირიპირებას მოერიდა.
მარიხუანას მოხმარების რეგულირებასთან და კანაფის წარმოებასთან დაკავშირებით შინაგან საქმეთა სამინისტროს მიერ მომზადებული საკნონმდებლო პაკეტი მთავრობამ პარლამენტს 13 სექტემბერს გადაუგზავნა. თუმცა კანაფის წარმოება-ექსპორტის საკითხზე - საზოგადოებისა და საპატრიარქოს მკაცრი რეაქციის გამო პარლამენტმა საკნონმდებლო პაკეტის მხოლოდ იმ ნაწილის განხილვა დაიწყო, რომელიც მარიხუანას მოხმარებაზე რეგულაციებს აწესებს.
1
s
s
s