09, ოქტომბერი 2018 20:02:00
ეძლევათ თუ არა ეთნიკური უმცირესობების წარმომადგენლებს საარჩევნო პროცესში სრულყოფილად ჩართვის საშუალება? ზრუნავენ თუ არა პარტიები იმაზე, რომ საარჩევნო პროგრამები დიასპორებისთვის მშობლიურ ენაზე დაიბეჭდოს? აღმოჩნდა, რომ რეგიონში მცხოვრები 9 ეთნიკური ჯგუფიდან საარჩევნო პროგრამა მხოლოდ 2ისთვისაა ხელმისაწვდომი. ირღვევა თუ არა მოქალაქეების კონსტიტუციური უფლება ამ შემთხვევაში?
ნატალია მიროშნიჩენკომ საქართველოს მოქალაქეობა თითქმის 30 წლის წინ მიიღო. იგი ისეთივე კონსტიტუციური უფლებებით და შესაძლებლობებით სარგებლობს, როგორც სხვები. თუმცა ეთნიკური უმცირესობის წარმომადგენელი საარჩევნო პერიოდში რიგ პრობლემებს აწყდება. კერძოდ, ეს ეხება საარჩევნო სუბიექტების პროგრამებსა და მიმართულებებს, რომლის გაცნობის საშუალება ხშირ შემთხვევაში არ ეძლევათ. მიზეზად ენობრივ ბარიერს ასახელებს. აღნიშნავს, რომ საარჩევნო მასალები მხოლოდ ქართულ ენაზეა დაბეჭდილი.
კანონი ან მსგავსი სახის რაიმე რეგულაცია თუ ნორმა არ ავალდებულებს არჩევნებში მონაწილე კანდიდატებს სააგიტაციო მასალები სხვა ენაზე დაბეჭდონ - აცხადებენ საია-ში. თუმცა იურისტები იმ ხარვეზებზე საუბრობენ, რასაც ენობრივი ბარიერი წარმოშობს.
ტოლორანტობის და მრავალფეროვნების ინსტიტუტში სახელმწიფოს როლზე საუბრობენ. აქ ხაზს ქართული ენის სწავლაზე უსვამენ. მიაჩნიათ, რომ ამ მიზნით ქვეყანაში რიგი ცვლილებები უნდა განხორციელდეს.
როგორც აღმოჩნდა პოლიტიკურ პარტიებსა თუ საზოგადოებრივ მოძრაობაში, საარჩევნოდ პროგრამები გარდა ქართულისა მხოლოდ სომხურ და აზერბაიჯანულ ენებზეა ნათარგმნი. ისიც ეთნიკურად დასახლებული ტერიტორიებისთვისაა გათვალისწინებული. ამ ფაქტს პოლიტიკოსები ასე ხსნიან:
აჭარაში სხვადასხვა ეთნიკური ჯგუფის წარმომადგენლები ცხოვრობენ. ესენია უკრაინელები, რუსები, სომხები, იეზიდები, ებრაელები, ბერძნები, აზერბაიჯანელები, გერმანელები და თურქები.