01, მარტი 2017 20:27:00
რა ეტაპზეა გონიოს ყოფილი სამხედრო საწვრთნელი ბაზის ათვისება და გაგრძელდება თუ არა პროექტი „შავი ზღვის მარგალიტი? - გავრცელებული ინფორმაციით, აჭარის მთავრობამ პროექტის განხილვა შეაჩერა. მიზეზად კი ინვესტიციის რეალური წარმომავლობის და მისი განხორციელების დაუსაბუთებლობა დაასახელეს. გონიოს ყოფილი სამხედრო საწვრთნელი ბაზის ტერიტორიაზე კომპანია „კორპორაცია ბიზნესისა და ტურიზმის საერთაშორისო ცენტრი" 145 მილიონიანი პროექტის განხორციელებას გეგმავდა. პროექტი - "შავი ზღვის მარგალიტი" თავისუფალი ინდუსტრიული ზონის მოწყობას ითვალისწინებდა, კომპანიის ხელმძღვანელის, თქმით ამ ეტაპზე პროექტის შეჩერებაზე ინფორმაცია სამინისტროსგან არ მიუღია. მერაბ დავითაძის განმარტებით, რამდენჯერმე ჰქონდა აჭარის ფინანსთა მინისტრთან შეხვედრა და როგორც თვითონ აღნიშნავს, მოლაპარაკებები საკითხთან დაკავშირებით გრძელდება. საკითხზე კომენტარი არ გააკეთეს აჭარის ფინანსთა სამინისტროში.