84 მომხრე 3-ის წინააღმდეგ- საქართველოს პარლამენტმა ფარული საგამოძიებო ქმედებების შესახებ საკანონმდებლო პაკეტი მესამე მოსმენით მიიღო. ცვლილებათა პაკეტის მიხედვით, ფარული მოსმენების განსახორციელებლად სუს-ის დაქვემდებარებაში "ოპერატიულ-ტექნიკური სააგენტო" იქმნება. უწყების ტექნიკურ აღჭურვაზე და შენობა-პერსონალის შენახვაზე 2018 წელს 30 მილიონ ლარზე მეტი დაიხარჯება. სხდომას ბოიკოტის ნიშნად არ დაესწრო "პატრიოტთა ალიანსი" და "ევროპული საქართველო". ოპოზიციის შეფასებით, კანონი ანტიკონსტიტუციურია. საპარლამენტო უმცირესობა ფარულ მოსმენებთან დაკავშირებული კანონმდებლობის საკონსტიტუციო და სტრასბურგის სასამართლოებში გასაჩივრებას გეგმავს. უმცირესობის წარმომადგენლებს მიაჩნიათ, რომ ახალი კანონმდებლობის საწინააღმდეგოდ გამოყენებულ უნდა იქნას ყველა სამართლებრივი ბერკეტი, მათ შორის პრეზიდენტის ვეტოც. მათი მტკიცებით აღნიშნული საკანონმდებლო ცვლილებით ქვეყანაში სიტუაცია გაუარესდება . საკითხთან დაკავშირებით უმცირესობა მოლაპარაკებებს მესამე სექტორთან გეგმავენ. ასევე არ გამორიცხავენ პრეზიდენტთან შეხვედრასაც.
50
s
s
s