01, მარტი 2017 17:21:00
ამ წუთებში ევროპარლამენტში სხდომა მიმდინარეობს. შეხვედრაზე ევროპარლამენტის პრეზიდენტი და ევროკავშირის საბჭოს თავმჯდომარე ხელს მოაწერენ ევროკავშირის საბჭოს სავიზო რეჟიმის ლიბერალიზაციის პროცედურულად განახლებულ რეგულაციას, რომლის მიხედვითაც, მარტის ბოლოდან საქართველოს მოქალაქეებს შენგენის ზონის ქვეყნებში უვიზოდ გადაადგილების საშუალება ექნებათ. ხელმოწერიდან დოკუმენტი ოფიციალურ ჟურნალში რამდენიმე დღეში გამოქვეყნდება და 20 დღის ვადაში საქართველოს მოქალაქეები ევროკავშირის წევრ ქვეყნებში მოკლევადიანი ვიზიტით უვიზოდ გამგზავრებას შეძლებენ. ევროკავშირის საბჭომ საქართველოსთან სავიზო რეჟიმის ლიბერალიზაციის შესახებ რეგულაცია რამდენიმე დღის წინ დაამტკიცა .