12, იანვარი 2017 11:17:00
აიპი „ბათუმის გამწვანებისა და ლანდშაფტური დაგეგმარების სამსახურის“ დირექტორად ლევან ჭანუყვაძე დაინიშნა. ახალი ხელმძღვანელი თანამშრომლებს ბათუმის მერმა წარუდგინა. ლევან ჭანუყვაძე აცხადებს, რომ ქალაქის გამწვანებული ტერიტორიების თავიდან აღწერა დაიწყება. ძველ პროექტებთან ერთად, ახალი უფროსი სიახლეებსაც გეგმავს. რაც შეეხება რეორგანიზაციას, ის ცვლილებებს არ გამორიცხავს. ლევან ჭანუყვაძე პროფესიით აგრონომია. წლების განმავლობაში ბათუმის ბულვარის დირექტორის თანამდებობას იკავებდა, დღემდე კი თბილისში, კომპანია „აგრო დეკორ სერვისს“ ხელმძღვანელობდა.