პრეზიდენტი მთავრობის სხდომის მოწვევას ითხოვს. ბოლო პერიოდში განვითარებულ მოვლენებთან დაკავშირებით ქვეყნის პირველ პირს სათქმელი დაუგროვდა. რა საკითხებს წამოწევს მარგველაშვილი გაითვალისწინებს თუ არა პრემიერ მინისტრი მთავარსარდლის მოთხოვნას?
გიორგი მარგველაშვილი პრემიერ მინისტრს მიმართავს. ქვეყნის პირველ პირს მთავრობის წევრებთან სახელმწიფო ინსტიტუტების და მოქალაქეთა უფლებების დაცვის საკითხზე მსჯელობა სურს.
პრეზიდენტი მედიით გავრცელებულ სკანდალურ ფარულ ჩანაწერებს არ აფასებს. თუმცა ამბობს, რომ ყურადღება გასამახვილებელია იმ პოლიტიკურ განცხადებებზე, რომელსაც მთავრობის წევრები აკეთებდნენ. მარგველაშვილმა განსაკუთრებულად გაუსვა ხაზი ომეგა ჯგუფის ჩანაწერებთან დაკავშირებით პრემიერ მინისტრის შეფასებას, განაცხადა, რომ მთავრობის წევრტა შეფასებები არაადექვატურია.
მმართველი გუნდი მთავრობის სხდომის მოწვევამდე ჯერ გამოძიების აუცილებლობაზე საუბრობს. ამბობენ, რომ ფარული ჩანაწერების თემას ჯერ გამოძიებამ უნდა უპასუხოს. მინისტრების პარლამენტში დაბარების მომხრეა ოპოზიციის ნაწილი, ნაწილი კი პრეზიდენტს უშიშროების საბჭოს სხდომის მოწვევას ურჩევს. ირმა ინაშვილი თვლის, რომ პრეზიდენტის რეაქცია დაგვიანებულია.
რატომ არ შეიცვალა 2012 წლის შემდეგ სისტემა, რომელიც ფარული ჩანაწერებით მანიპულირებდა და ადამიანის უფლებებს არღვევდა - რა გააკეთა პირადად ქვეყნის მეთაურმა იმისთვის, რომ ვითარება შეცვლილიყო. მარგველაშვილი ამბობს, რომ ვითარების გამოსასწორებლად მან ყველა კონსტიტუციური მექანიზმი გამოიყენა, თუმცა კომპრომისებზე წასვლა უწევდა.
მოიწვევს თუ არა პრემიერ მინისტრი მთავრობის სხდომას და მიეცემა თუა რა მასზე დასწრების შესაძლებლობა პრეზიდენტს ჯერ უცნობია. მთავრობის კანცელარიაში გიორგი მარგველაშვილის შეთავაზებაზე განცახდება არ გაუკეთებიათ.
13
s
s
s