19, ოქტომბერი 2018 20:05:00
დაინიშნა თუ არა ხულოს მერის მოვალეობის შემსრულებელი კანონდარღვევით? დაუშვა თუ არა პოლიტიკური შეცდომა დაუშვა გოჩა მელაძემ მაშინ, როცა ახალ მოადილედ ვახტანდ ბერიძე დანიშნა? რა ხარვეზებს ხედავს პროცესში მესამე სექტორი ?
ჰქონდა თუ არა ხულოს უკვე ყოფილ მერს ახალი მოადგილის დანიშვნის უფლება? - იურისტი გიორგი ხიმშიაშვილი ამბობს, რომ არა, და მელაძემ საარჩევნო კოდექსის 49 - ე მუხლის მეშვიდე პუნტქი დაარღვია. აღნიშნული პუნქტის მიხედვით კი, არჩევნების პერიოდში, კანდიდატების რეგისტარციის დასრულებიდან კენჭისყრამდე პერიოდში, ადგილობრივი თვითმმართველობის ორგანოს, პოლიციისა და პროკურატურის ხელმძღვანელ თანამდებობის პირთა საკადრო გადაადგილება აკრძალულია. ხიმშიაშვილი მელაძის გადაწყვეტილებას პოლიტიკურ შეცდომად აფასებს, რამაც მისივე თქმით, სამართლებრივი ხარვეზი გამოწვია.
აღნიშნული მუხლის მეშვიდე პუნქტის მიხედვით, საკადრო გადაადგილება შესაძლებელია მხოლოდ მაშინ, თუ მერს უფლებამოსილების ვადა ამოეწურება, ან კანონს დაარღვს, - მელაძის შემთხვევაში კი არც ერთი მათგანი ყოფილა. შესაბამისად, ყოფილი მერის მიერ ახალი მოადგილის დანიშვნას, საქართველოს ახალგაზრდა იურისტთა ასოციაციაში, საარჩევნო კოდექსის დარღვევად აფასებენ. ანნა მდინარაძის განცხადებით, კანონის თანახმად, ამ შემთხვევაში მუნიციპალიტეტის პირველი პირის უფლებამოსილება საკრებულოს თავმჯდომარეს უნდა შეესრულებინა.
მიუხედვად სამართალმცოდნეების ასეთი შეფასებებისა, აჭარის მთავრობის თავმჯდომარე ირწმუნება, რომ ხულოს მერის მოადგილის დანიშვნა და ზოგადად, მიმდინარე პროცესები, კანონის სრული დაცვით მოხდა.
რატომ არ გაითვალისწინა საარჩევნო კოდექსი ხულოს ყოფილმა მერმა და იცოდა თუ არა, რომ მას მოადგილის დანიშვნის უფლება არ ჰქონდა? - ამ კითხვებზე პასუხი ჩევნთვის უცნობი დარჩა. ხულოს ყოფილ მერთან დაკავშირება ვერ შევძელით.