კიდევ ერთი საპრეზიდენტო კანდიდატის სამომავლო გეგმებზე გიამბობთ. გრიგოლ ვაშაძემ ბათუმელ ამომრჩეველს გააცნო საკუთარი ხედვები ქვეყანაში არსებული პრობლემების დასაძლევად. რა გამოწვევებს ხედავს ქვეყნის პირველი პირობის კანდიდატი და როგორ აპირებს მათ გადაჭრას?
ჩამოშლილი სასამართლო სისტემა, ეკონომიკური პრობლემები, კონსტიტუციის დაკნინება, პრობლემები სახელისუფლებო და საკანონმდებლობლო სფეროებში, ე.წ. მაფიოზური კლანების გაბატონება- ეს იმ მიზეზების არასრული ჩამონათვალია, რის გამოც გრიგოლ ვაშაძემ საქართველოს პრეზიდონტობა გადაწყვიტა. საუბრობს იმ გამოწვევებზე რა მიმართულებითაც სამომავლოდ მუშაობას გეგმავს. ამბობს, რომ პრეზიდენტის ინსტიტუტის გაძლიერებას გეგმავს. კითხვაზე როგორ აპირებს შემცირებული უფლებებით საკითხების მოგვარებას?- საპრეზიდენტო კანდიდატის პასუხი ასეთია:
მნიშვნელოვნად უსვამს ხაზს ქვეყნის საგარეო კურსს.
ყურადღების მიღმა არც რუსეთთან ურთიერთობა დარჩენია. კანდიდატს ამ კუთხითაც თავისი დამოკიდებულება და სამოქმედო გეგმა აქვს. აცხადებს, რომ საბოლოო ჯამში ყველა ომი დაზავებით სრულდება. აპირებს თუ არა გაპრეზიდენტების შემთხვევაში თვითონ აღმოჩნდეს ის პირი, რომლიც მეზობელ ქვეყანასთან ურთიერთობების დალაგებას შეძლებს? პროგნოზის გაკეთება უჭირს.
საუბრობს რუსეთზე - იმ პერიოდზე, როცა მისი პროფესიული საქმიანობა იქაურობას უკავშირდებოდა
სამომავლო გეგემებში ქვეყნის მესამე პრეზიდენტი არ გამორჩენია. ამბობს, რომ გაპრეზიდენტების შემთხვევაში ერთ-ერთი პირველი, რასაც გააკეთებს ეს მიხეილ სააკაშვილისთვის მოქალაქეობის აღდგენა იქნება. მიიჩნევს, რომ თუ კი მის გარშემო კითხვები არსებობს, ამაზე სააკაშვილმა პასუხები საქართველოში პირადად უნდა გასცეს.
28 ოქტომბრის არჩევნებზე იმედიანად არის განწყობილი. მოლოდინი აქვს, რომ ქართველი ხალხი მისი გაკეთებული საქმეების შეფასებას შეძლებს.
გრიგოლ ვაშაძე დიპლომატი და პოლიტიკოსია. სხვადასხვა პერიოდში იგი დიპლომატიურ საქმიანობას ეწეოდა რუსეთში. 2008-დან 2012 წლამდე მას საგარეო საქმეთა მინისტრის პოსტი ეკავა. 2018 წლის საპრეზიდენტო არჩევნებზე გრიგოლ ვაშაძე გაერთიანებული ოპოზიციის საპრეზიდენტო კანდიდატია, ნომრით #5 .
1
s
s
s