დღევანდელ ბიუროს სხდომაზე ოპოზიციამ წინასაარჩევნოდ მიმდინარე პროცესებზე გააკეთა კომენტარი. ბაგრატიონი ქობულეთის მერს საჯარო მოხელეებზე ზეწოლაში ადანაშაულებს. უმცირესობის განცხადებას უპასუხეს „ქართულ ოცნებაში“. ბიუროს სხდომაზე დეპუტატებმა ბიუჯეტში ცვლილებების შეტანას უნდა დაუჭირონ მხარი. თანამდებობრივი სარგო 11 208 ლარით მცირდება და თანხა სოციალურ ხარჯში უნდა გაიწეროს. ასევე ტრანსპორტის ექსპლუატაციიდან ეკონომიამ 30 ათასი ლარი შეადგინა, საიდანაც 10 ათასი წარმომადგენლობით ხარჯებს უნდა დაემატოს. მაია ხაჯიშვილის თქმით, თანხა დელეგაციების მასპინძლობის მუხლში გადაინაცვლებს. ჯამში ამ მიმართულებით 2018 წლის ბიუჯეტში 45 ათასი ლარი იქნება გაწერილი. აღნიშნული ცვლილება ოპოზიციის პროტესტის მიზეზი გახდა. ელგუჯა ბაგრატიონი საბიუჯეტო თანხების ფლანგვაზე მიუთითებს.
3
s
s
s