დღეს კიდევ ერთი საპრეზიდენტო კანდიდატის, დავით ბაქრაძის პროგრამას გაგაცნობთ. რა პრობლემებს ხედავს ქვეყანაში პირველი პირობის მსურველი და როგორ აპირებს მათ მოგვარებას გაპრეზიდეტების შემთხვევაში? რა პირობა მისცა ბათუმელ ამომრჩეველს ევროპული საქართველოს პრეზიდენტობის კანდიდატმა დღეს გამართულ შეხვედრაზე
ეს ერთ-ერთი პირობაა, რომელიც დავით ბაქრაძემ მოსახლეობას მისცა. სოციალური საკითხების მოგვარება, ახალგაზრდების დასაქმება, ქვეყნის ერთიანობისთის ბრძოლა, ეკონომიკური სიძლიერისთვის ინვესტიციების მოძიება. ასეთია „ევროპული საქართველოს“ საარჩევნო დაპირებები.
მოსახლეობასთან შეხვდრისას რამდენჯერმე გაიმეორა ის ვალდებულებები, რომელიც ქვეყნის პირველ პირს ხალხთან აქვს. აღნიშნავს, რომ უფლებების შემცირების საპირისპიროდ პრეზიდენტის პირადაპირი მოვალეობა უნდა იყოს, საკუთარ ხალხს უკეთესი საცხოვრებელი პირობა შეუქმნას.
პირობის შეუსრულებლობის შემთხვევაში ამომრჩევლების წინაშე განაცხადა, რომ შესაბამისი პასუხი უნდა მოსთხოვონ. საუბარში მოქალაქეებს 2012 წელი შეახსენა. რამდენჯერმე გაუმეორა, როგორც მაშინ გამოიყვანეს კაბინეტიდან, ისე შეუძლიათ დანაპირების შეუსრულებლობის შემთხვევაში იგივეს გამეორება.
დავით ბაქრაძემ ამომრჩევლებთან მხოლოდ რამდენიმე წუთი გაატარა. თითქმის ნახევარ საათიანი შეხვედრის შემდეგ, მოქალაქეებს არ გაესაუბრა და შეხვედრა დატოვა. მან არც ჟურნალისტებთან ცალკე კითხვებზე პასუხი გაცემა ისურვა. დავით ბაქრაძე 2018 წლის არჩევნებზე „ევროპული საქართველოს“ პრეზიდენტობის კანდიდატია, ნომრით 2.
3
s
s
s