25, ოქტომბერი 2018 20:02:00
აჭარის ტელევიზიის წამყვანმა მმართელი პარტიის მხარდაჭერილი დამოუკიდებელი კანდიდატის სალომე ზურაბიშვილის წინასაარჩევნო შეხვედრაზე იმღერა. დედაქალაქში, სპორტის სასახლეში გამართულ დასკვნით შეხვედრაზე ,,ქართულ ოცნებას“ რამდენიმე მომღერალთან ერთად სოფო ხალვაშმა უმღერა. ტელეწამყვანის მისამართით აჭარის საზოგადოებრივმა მაუწყებელმა დისციპლინარული საქმისწარმოება დაიწყო. ამ ეტაპზე უცნობია რა გადაწყვეტილებას მიიღებს მენეჯმენტი. თავად მომღერალმა ჩვენს სატელეფონო ზარებს არ უპასუხა.