12, იანვარი 2017 11:09:00
ქობულეთის მუნიციპალურ ბაღებში სააღმზრდელო პროცესი ზამთრის არდადეგების შემდეგ, კიდევ ერთი კვირით გადაიდო. მიზეზად, საკვებ პროდუქტებზე გაზრდილი ფასების გამო, ტენდერების ჩავარდნა დასახელდა. ქობულეთის ბაღების გაერთიანების ხელმძღვანელის თქმით, ლარის გაუფასურებამ რძის პროდუქტები გააძვირა, ბიუჯეტში კი საკმარისი თანხა არ აღმოჩნდა. ია ხალვაშის განცხადებით, გაერთიანება რძის პროდუქტებს პირდაპირი წესით შეისყიდის. ქობულეთის მუნიციპალიტეტის 22 ბაღში სასწავლო პროცესი, 16-ის ნაცვლად 23 იანვრიდან განახლდება.