ურთიერთბრალდებები და სიტყვიერი დაპირისპირება ხელვაჩაურის საკრებულოს სხდომაზე. მერსა და ოპოზიციის წარმომადგენელს შორის დაწყებული კამათი ხმაურში გადაიზარდა. რატომ ითხოვდა ჯუმბერ ვარდმანიძე ბოდიშის მოხდას ერთიანი ნაციონალური მოძრაობის წევრებისგან?
მერის ამ განცხადებას საკრებულოს სხდომაზე ხმაური და კამათი მოჰყვა. ჯუმბერ ვარდმანიძემ „ნაციონალური მოძრაობის“ წევრები ცრუ ინფორმაციის გავრცელებაში დაადანაშაულა. საქმე მიშა ბოლქვაძის და თეიმურაზ დუმბაძის მიერ გაკეთებულ განცხადებებს ეხება. მერმა ბოდიშის საჯაროდ მოხდა მოითხოვა.
კამათი სიტყვიერ დაპირისპირებაში გადაიზარდა. მხარეებმა ერთმანეთს საპრეზიდენტო არჩევნების შედეგები შეახსენეს. საუბარი შეეხო „ნაციონალური მოძრაობის“ 9 წლიან და „ქართული ოცნების“ 6 წლიანი მმართველობის პერიოდს. ერთმანეთს სიტყვიერად დეპუტატები სულხან დუმბაძე და შორენა ცინცაძეც დაუსპირისპირდნენ.
მერის განცხადებას უპასუხა მიშა ბოლქვაძემ. „ნაციონალური მოძრაობის“ წევრი ამბობს, რომ ბოდიშს იმ შემთხვევაში მოიხდის თუ ჯუმბერ ვარდმანიძე სიცრუის აღიარებს და მოსახლეობას მოუბოდიშებს.
ოპოზიციის მიერ სხდომაზე გაკეთებული განცხადებებისა და ბრალდებების მიუხედავად კითხვის ნიშნები არ აქვს საკრებულოს თავმჯდომარეს.
ხმაურის პარალელურად სხდომაზე დღის წესრიგით გათვალისწინებული საკითხების განხილვაც მიმდინარეობდა. საკრებულოს წევრების გადაწყვეტილებით ცვლილება შევიდა წარმომადგენლობითი ორგანოს დადგენილებაში. განისაზღვრა მერის უფლებამოსილების შეწყვეტის შემთხვევაში ვის ეძლევა მოვალეობის შესრულების უფლება. დებულებით განისაზღვრა საჯარო მოხელისა და შრომითი ხელშეკრულებით დასაქმებული პირის უფლება-მოვალეობები.
მოისმინეს ბიუჯეტის სამი კვარტლის შესრულების შესახებ ინფორმაცია. მერიის საფინანსო საბიუჯეტო სამსახურის უფროსის თქმით, ფინანსური დოკუმენტის შესრულებამ 82 % შეადგინა. საკითხს მხარი არ დაუჭირა „ნაციონალური მოძრაობის“ წევრებმა. მათ მერს აჭარის მთავრობიდან ტრანსფერის სახით გადმორიცხული 3 მლნ ლარის აუთვისებლობას შეახსენეს. თანხით ხელვაჩაურში, ხობჩოს წყალსადენი უნდა მოწყობილიყო. თუმცა სამუშაოების მხოლოდ 44% შესრულდა.
სხდომაზე დამტკიცდა მუნიციპალიტეტის გენდერული თანასწორობის საბჭოს 2018-19 წლების სამოქმედო გეგმაც. საბჭოს თავმჯდომარის განმარტებით, მუშაობა დაიწყება პროგრამებსა და პროექტებზე, რომლებიც ხელს შეუწყობს მოქალაქეთა ჩართულობასა და გენდერული კუთხით გაძლიერებას.
2
s
s
s