31, ოქტომბერი 2018 14:07:00
მთავრობის სხდომაზე დღეს მიმდინარე წლის ბიუჯეტის სამი კვარტლის შესრულებაზე და 2019 წლის საფინანსო დოკუმენტის პრიორიტეტებზე ისაუბრეს. ფინანსთა და ეკონომიკის მინისტრმა მომავალი წლისთვის წარმომადგენლობითი ხარჯების 1 მლნ ლარით შემცირება დაანონსა. ჯაბა ფუტკარაძის თქმით, ბიუჯეტი 726 ათასი ლარით მცირდება, შრომის ანაზღაურების ნაწილში. რაც შეეხება პრიორიტეტებს მომდევნო წლისთვისაც მთავარი მიმართულება კვლავ ინფრასტრუქტურული პროექტებია. 10 მლნ ლარამდე იზრდება მუნიციპალიტეტების დაფინანსება. თანხები ემატება ჯანდაცვის პროგრამებს და ჯამში უწყების ბიუჯეტი 17 მლნ 700 000 ლარით განისაზღვრა. გაიზრდება განათლების მიმართულებით დაფინანსება. საერთო ჯამში რეგიონის ფინანსური დოკუმენტი 217 მლნ 641 200 ლარი იქნება. მინისტრის განცხადებით ბიუჯეტი წინა წელთან შედარებით 11 მლნ ლარითაა გაზრდილი. მინისტრმა მიმოიხილა 2018 წლის დოკუმენტის შესრულება. 9 თვის მონაცემებით ბიუჯეტი 93 %- ითაა ათვისებული.