31, ოქტომბერი 2018 20:02:00
ქალაქის მერიის არაერთი დაპირების მიუხედავად, რომ გარევაჭრობა აღიკვეთებოდა- პრობლემა ქალაქში დღემდე არსებობს. არსებობს და უფრო მეტიც, მოგვარების სამომავლო პერსპექტივაზე საუბარი როგორც ჩანს ჯერ ჯერობით ნაადრევია. მიუხედავად იმისა რომ უწყებამ თვითდასაქმებულებს ალტერნარიული ტერიტორია გამოუყო, მოვჭრეები წინადადებას არ თანხმდებიან. რაშია პრობლემა? რატომ არ მოწონთ შეთავაზება?
არაერთგზის გაფრთხილების მიუხედავად, მოვაჭრეებთან შეთანხმება ამ დრომდე ვერ შედგა. თვითდასაქმებულები მუშაობის გაგრძელებას ალტერნატიულ ტერიტორიაზე არ აპირებენ. ამბობენ, რომ მერიიდან მათთვის მიუღებელ წინადადებებს ისმენენ.
მომხმარებლებისთვის ნებისმიერი პროდუქტის შეძენა, სუფთა და შესაბამის პირობებშია სასურველი. საუბრობენ, იმ შეთანხმებაზეც რომელიც მოვაჭრეებსა და ხელისუფლებას შორის აქამდე უნდა მომხდარიყო.
მესამე სექტორში ბათუმის მერიის არათანმიმდევრულ გადაწყვეტილებებზე და არაეფექტურ კონტროლზე ამახვილებენ ყურადღებას. „დემოკრატიის ინსტიტუტში“ მიაჩნიათ, რომ მოვაჭრეებს ისეთი ტერიტორია უნდა შესთავაზონ, სადაც მათი პროდუქციის რეალიზება არ გაჭირდება.
ბათუმის მერიაში ამჯერადაც ტრადიციულ პასუხი აქვთ. ამბობენ, რომ პრობლემის მოსაგვარებლად მუშაობენ, თუმცა შედეგი მაინც უცვლელია. ქალაქში რამდენიმე ქუჩაზე ტროტუარი უსახური დახლებით თითქმის ათვისებულია. გადაადგილება უჭირს ქვეითებს.
მაისიდან დღემდე ბათუმში გარევაჭრობის წინააღმდეგ როგორც იურიდიულ, ასევე ფიზიკურ პირზე 95 ოქმი, 35 ჯარიმა, 42 სიტყვიერი შენიშვნაა დაწერილი. მათგან 15 სასამართლოშია გასაჩივრებული.