02, ნოემბერი 2018 14:05:00
ვაჟა-ფშაველასა და ბესიკის ქუჩების კვეთაში მუნიციპალური სერვისცენტრის მშენებლობა მიმდინარეობს. ცენტრში ჭავჭავაძის, ბაგრატიონის, შავშეთისა და 26 მაისის ქუჩებებზე მცხოვრებ მოსახლეობას მოემსახურებიან, რომლის მიზანია მოსახლეობის მომსახურების პროცესში ბიუროკრატიული ბარიერების შემცირება. მშენებლობა მიმდინარე წლის სექტემბერში დაიწყო და 2019 წლის იანვარში დასრულდება. კიდევ ერთი სერვისცენტრის შენობის მშენებლობა ჭავჭავაძის, ზუბალაშვილისა და ლუკა ასათიანის ქუჩებს შორის იგეგმება. პროექტის ღირებულება ჯამში 223 931, 9 ლარს შეადგენს.