02, ნოემბერი 2018 20:35:00
ბათუმი პლაზას მიმდებარე ტერიტორიაზე დღეს დილით მისულ გარემოვაჭრეებს დახლები და პროდუქცია არ დახვდათ. გადაწყვეტილება ქალაქის მერიამ ადგილზე მდებარე კორპუსებშ მცხოვრებლების მოთხოვნის საფუძველზე მიიღო. რას ამბობენ თვითდასაქმებულები? მიეცემათ თუ არა მათ მუშაობის საშუალება?
ნაზი ჩხაიძე ოჯახის ერთადერთი მარჩენალია. იმისთვის, რომ სახლში პური მიიტანოს , გარევაჭრობით დაკავდა. ბათუმი პლაზას მიმდებარე ტერიტორიაზე დილის 7 საათზე გამოდიოდა, თუმცა დღეს ადგილზე მისულს არც დახლი დახვდა და არც პროდუქცია.
ნაზი ჩხაიძის მსგავს სიტუაციაში დღეს კიდევ 6 მოქალაქე აღმოჩნდა. ირწმუნებიან, რომ თითოეულს 500 ლარამდე თანხის პროდუქცია ჰქონდა.
მოვაჭრეები იმასაც ყვებიან, რომ მერიას ბათუმი პლაზას მიმდებარე ტერიტორიიდან მათი გაყვანის მოთხოვნით აქ მდებარე 2 კორპუსის ამხანაგობის თავმჯდომარეებმა მიმართეს. თვითდასაქმებულები მათ მიმართ სიტყვიერ შეურაცყოფაზეც საუბრობენ.
მოვაჭრეების ბრალდებებს უარყოფს ამხანაგობის თავმჯდომარე, ინდირა ცივაძის განცხადებიტ ტერიტორიაზე გავლა თითქმის შეუძლებელი იყო.
ბათუმის მერიის მუნიციპალური სერვისების განვითარების სააგენტოში ირწმუნებიან, რომ თვითდასაქმებულები რამდენჯერმე გაააფრთხილეს.
პროცესს სამარცხვინოს უწოდებენ გაერთიანებულ ოპოზიციაში.
მაისიდან დღემდე ბათუმში გარევაჭრობის წინააღმდეგ როგორც იურიდიულ, ასევე ფიზიკურ პირზე 95 ოქმი, 35 ჯარიმა, 42 სიტყვიერი შენიშვნაა დაწერილი. მათგან 15 სასამართლოშია გასაჩივრებული.