დასახლება მოსაცდელების და ზებრა გადასასვლელების გარეშე. ადლიაში მცხოვრებლები მუნიციპალური ტრანსპორტის სიმცირესაც უჩივიან. რა ინტერვალით გადაადგილდებიან მეათე სამარშრუტო ხაზზე მოძრავი ავტობუსები? და როგორ პასუხობენ მოქალაქეების პრეტენზიებს შესაბამის უწყებაში ?
ანწუხელიძის ქუჩის მცხოვრებლები 10 ნომერ სამარშრუტო ხაზზე მოძრავი მუნიციპალური ავტობუსებით სარგებლობენ. ადგილობრივებს სხვა ალტერნატივა არ აქვთ. უკმაყოფილონი ტრანსპორტის მოძრაობის ინტერვალით არიან. ყვებიან, რომ ლოდინი ხშირად უწევთ.
აეროპორტის გზატკეცილის დაახლოებით 5 კილომეტრიან მონაკვეთზე არც მოსაცდელებია დამონტაჟებული. ადგილობრივებს პრობლემა უამინდობისას ექმნებათ.
პრობლემების ჩამონათვალი ამით არ სრულდება. ქუჩაზე არც ზებრა გადასასვლელები. ადგილობრივები ყვებიან, რომ ავტოსატრანსპორტო საშუალებები სწრაფად მოძრაობენ, რაც ხშირად საავარიო მდგომარეობას ქმნის.
მოქალაქეების პრეტენზიები მიუღებელი ბათუმის ავტოტრანსპორტის წარმომადგენლებისთვის. აქ ირწმუნებიან, რომ მუნიციპალური ტრანსპორტი ყოველ ნახევარ საათში ერთხელ მოძრაობს.
რაც შეეხება ზებრა გადასასვლელებს. საკითხთან დაკავშირებით, საქართველოს საავტომობილო გზების დეპარტამენტში სატელევიზიო კომენტარი არ გააკეთეს. პირად საუბარში კი განმარტეს, რომ ქვეითთა გადასასვლელები მერიის ან მოქალაქეების მიმართვის საფუძველზე მოეწყობა.
14
s
s
s