05, ნოემბერი 2018 20:02:00
სოციალურიად დაუცველი ოჯახი ბათუმიდან. ცხოვრება ნაქირავებ ბინაში, მეზობლების დახმარების იმედად. 100 ლარიანი პენსია, რომელიც ჯანმრთელობის პრობლეების მქონე 2 ადამიანს მედიკამენტების შესაძენადაც არ ყოფნის. ჯაშები შესაბამისი უწყებიდან დახმარებას ითხოვენ.
მოძველებული ავეჯი, ტელევიზორი, რამდენიმე წლის წინ შეძენილი სარეცხის მანქანა. ნანული ჯაში ყვება, რომ ამ ყველაფრის გამო სოციალურმა სააგენტომ ოჯახს ფულადი შემწეობა მოუხსნა. მას შემდეგ რაც ეტლით მოსარგებლე გახდა, მისმა გოგონამ სამსახურს თავი დაანება. ოჯახი ახლა ახლა 100 ლარიანი პენსიით ირჩენს თავს. ყვებიან, რომ თანხა მედიკამენტების შესაძენადაც არ ყოფნით.
ოჯახს ხშირად საკვები პროდუქტებით მეზობლები და ახლობლები ამარაგებენ. ნანული ჯაშის გარდა ჯანმრთელობის პრობლემები მის შვილსაც აწუხებს. 19 წლის მარიკას ასთმა აქვს, თუმცა ექიმთან მისვლას ვერ ახერხებს. ოჯახი დახმარებას ითხოვს.
სოციალური მომსახურების სააგენტოში ამბობენ, რომ ოჯახს მაღალი სარეიტინგო ქულა აქვს. ხელახლა გადამოწმებისთვის კი ნოდარ ფუტკარაძე ჯაშებს ჯანმრთელობის მდგომარეობის დამადასტურებელი მოწმობის წარდგენას ურჩევს.
ჟაშების ოჯახს აჭარის ჯანდაცვის სამინისტრო ეტლის შესაძენად 550 ლარიან ვაუჩერს გადასცემს. სოციალური დაცვის დეპარტამენტის უფროსის თქმით ბენეფიციარმა უწყებაში ჯანმრთელობის მდგომარეობის დამადასტურებელი დოკუმენტაცია უნდა წარადგინოს.
ბათუმის მერიაში კი ამბობენ, რომ ოჯახმა უწყებას განცხადებით უნდა მიმართოს. „მოვლის საჭიროების პირთა დახმარების“ პროგრამის ფარგლებში დედა-შვილი უფასო მედიკამენტებით სარგებლობას შეძლებს.