ახლა კი 2007 წლის 7 ნოემბრის მოვლენებს თანმიმდევრულად გაგახსენებთ. როგორი იყო ფაქტების ქრონოლოგია და როგორ ვითარდებოდა სიტუაცია მთელი დღის განმავლობაში? რას იხსენებენ ახალგაზრდები, რომლებიც ნიღბიანებმა დაარბიეს?
2007 წელი. 7 ნოემბერი. თბილისში პარლამენტის წინ, საქართველოს თითქმის ყველა რეგიონიდან ათასობით ადამიანია შეკრებილი. ისინი ღია ცის ქვეშ, იმჟამინდელი ხელისუფლების პოლიტიკას აპროტესტებენ. დილით, აქციის მონაწილეთა რაოდენობის შემცირების გამო, პოლიციამ გზის სავალი ნაწილის გახსნა გადაწყვიტა, რამაც მომიტინგეთა პროტესტი გამოიწვია. სამართალდამცავებმა კი რუსთაველის გამზირზე შეკრებილი მოსახლეობის დასაშლელად, ცრემლსადენი აირი, ხელკეტები, რეზინის ტყვიები, აკუსტიკური თოფები და წყლის ჭავლი გამოიყენა. დარბევისას ათეულობით მოქალაქე დაშავდა.
7 ნოემბერის მოვლენები ამით არ დასრულებულა. იმავე დღეს სპეცნაზი შეიჭრა „ტელეარხ 25“-ში,შედეგად მაუწყებლობა შეწყდა. 10 დღის განმავლობაში კი შენობას პოლიციელები აკონტროლებდნენ. ნიღბიანი პირები ტელეკომპანია ,,იმედსა“ და ,,კავკასიაში“-ც შეიჭრენ
თბილისში გამართულ აქციას მხარდაჭერა ბათუმშიც გამოუცხადეს. შოთა რუსთაველის უნივერისტეტთან შეკრებილი სტუდენტები, 8 ნოემბრს სპეცრაზმმა დაარბია. შეიარაღებულებმა უნივერსისტეტის ეზოშიც შეაღწიეს და მომიტინგეებს ხელკეთებით გაუსწორდნენ
7 ნოემბერს, დღის ბოლოს, პრეზიდენტმა სააკაშვილმა თბილისში საგანგებო ვითარება, მოგვინებით კი ვადამდელი არჩევნები და რეფერენდუმი გამოაცხადა, რომელიც 2008 წლის იანვარში ჩატარდა.
11 წლის წინ, 2007 წლის 7 ნოემბრის დარბევის ფაქტზე, გამოძიებას კონკრეტული შედეგები დღემდე არ დაუდია და პროცესების ორგანიზატორები პასუხისგებაში ამ დრომდე არ მიუციათ.
37
s
s
s