წლების განმავლობაში მოუგვარებელი პრობლემა და მოუწესრიგებელი ინფრასტრუქტურა. გენერალ ასლან აბაშიძის ქუჩაზე ტრანსპორტს გადადგილება უჭირს. დისკომფორტზე საუბრობენ ადგილობრივებიც. ტერიტირიაზე არც ტროტუარები და ბორდიურებია. როდის დაიწყებს მერია ქუჩის რეაბილიაციას?
ეს გენერალ ასლან აბაშიძის ქუჩაა. წყლით დაფარული გზის სავალი ნაწილი მოსახლეობისთვის დისკომფორტს წარმოადგენს. როგორც აქ ამბობენ, ტერიტორიაზე მზიან ამინდში მტვერი, ხოლო გაწვიმებისას გუბეები და ტალახი აწუხებთ. პრობლემა წლების განმავლობაში მოუგვარებელია.
ტერიტორიაზე გადაადგილება განსაკუთრებით მძღოლებს უჭირთ. ამბობენ, რომ აქ გავლა მაღალი გამავლობის ავტომობილებისთვისაა შესაძლებელი. ამორტიზებული გზის გამო, ხშირია ტრანსპორტის დაზიანების ფაქტებიც.
გარდა იმისა, რომ გენერალ ასლან აბაშიძის ქუჩაზე გზის საფარი მოუწესრიგებელია, ტერიტორიაზე სხვა ინფრასტრუქტურული პრობლემებიცაა, სავალ ნაწილზე დაყრილია ინერტული მასალა. აქ არც ტროტუარები და ბორდიუეებია.
ბათუმის ინფრასტრუქტურის სამსახურში ამბობენ, რომ ქუჩის სარებილიტაციო სამუშაოების დაწყება იანვარში იგეგმება და 2019-2020 წლისთვის დასრულდება. სულხან ევგენიძის თქმით, გზის მოასფალტების გარდა, ტერიტორიაზე სანიაღვრე არები, ტროტუარები და საფეხმავლო ბილიკიებიც მოეწყობა.
რაც შეეხება ტერიტორიაზე არსებულ სამშენებლო ნარჩენებს, ბათუმის მერის თქმით, არცერთ სამშენებლო კომპნიას უბნების დანაგვიანების უფლება არ აქვს. გენერალ ასლან აბაშიძის ქუჩაზე თუ ნარჩენები კონკრეტულ სამშენებლო კომპანიებს ეკუთვნის ისინი დაჯარიმდებიან.
ბათუმის მერიაში განმარტეს, რომ გენერალ ასლან აბაშიძის ქუჩის სარეაბილიტაციო სამუშაოებისთვის მილიონ 200 000 ლარს გამოყოფენ.
7
s
s
s