19, ნოემბერი 2018 20:03:00
ოჯახი, სადაც ბუნებრივი აირი მხოლოდ აჭარის მთავრობის თავჯდომარის სტუმრობის დროს აინთო. თხილნარში მცხოვრებლები თორნიკე რიჟვაძეს ტყუილში ადანაშაულებენ. იყო თუ არა სოფლის გაზიფირების დაპირება წინასაარჩევნოდ ამომრჩეველთა გულის მოგების მცდელობა?
ეს განცხადება აჭარის მთავრობის თავმჯდომარემ, თხილნარში ორი დღის წინ გააკეთა. სოფელში მცხოვრებლების თქმით, მთავრობის წარმომადგენლები მოსახლეობას სწორედ იმ მიზნით შეხვდნენ, რომ 2000-მდე აბონენტის გაზიფიცირების შესახებ ესაუბრათ. იმის დასამტკიცებლად, რომ თხილნარში გაზიფიცირება მოხდა თენგიზ ბერიძის ოჯახში სიმბოლურად გაზქურაც აანთეს.
თუმცა გაზქურიდან ცეცხლი მალევე გაქრა. მას შემდეგ ოჯახს გაზით სარგებლობის შესაძლებლობა აღარ აქვს. თენგიზ ბერიძე ფიქრობს, რომ ტელეკამერების თანდასწრებით პრცესი მხოლოდ წინასაარენო კამპანიის ნაწილი იყო.
ბუნებრივი აირის გარეშე დარჩენილები დღეს სოფელის ცენტრში შეიკრიბნენ და აჭარის მთავრობის თავმჯდომარე ტყუილში დაადანაშაულეს. ყვებიან, რომ განცხადებები გაზიფიცირების შესახებ წინასაარჩევნო პროპაგანდის ნაწილი აღმოჩნდა.
მოსახლეობის პროტესტი მიუღებელია აჭარის მთავრობის თავმჯდომარისთვის. თორნიკე რიჟვაძისთვის კითხვა მოულოდნელი აღმოჩნდა, რამაც მისი გაღიზიანება გამოიწვია და დამშვიდებისკენ მოგვიწოდა.
ხელვაჩაურის მერი ირწმუნება, რომ აქციაზე მხოლოდ ოპოზიციურად განწყობილი მოსახლეობა მივიდა. ჯუმბერ ვარდმანიძე ერთ-ერთი იყო, რომელმაც გაზიფიცირების პროექტის დასრულების პრეზენტაციაზე ჩირაღდანი საზეიმოდ აანთო. თუმცა მუნიციპალიტეტის მერი დღეს ამბობს, რომ შეხვედრა მხოლოდ საინფორმაციო ხასიათის იყო.
მუნიციპალიტეტის მერის პოზიცია იზიარებენ კომპანიის მენეჯმენტში. „სოკარ ჯორჯია გაზი აჭარას“ წარმომადგენელი ამბობს, რომ შეხვედრის დროს მოსახლეობას აბონენტად დარეგისტრირების პროცედურების შესახებ მიაწოდეს ინფორმაცია.
სოფლის ცენტრში განთავსებულ საინფორმაციო ბანერზე აღნიშნულია, რომ თხილნარში გაზიფიცირებულ კომლთა რაოდენობა 848 ოჯახია, სადაც 69 345 მეტრი მილსადენი აშენდა.