რესპუბლიკური კლინიკური ფსიქონევროლოგიური საავადმყოფო "ჰელს ქეარ გრუპმა" შეიძინა. პირობიანი ელექტრონული აუქციონი გუშინ დასრულდა. ახალმა მეპატრონემ კლინიკა 2 მილიონ 5 ათას ლარად იყიდა. ფინანსთა და ეკონომიკის სამინისტრომ ქონება გასაყიდად ელექტრონულ პირობებიან აუქციონზე 100 000 ლარად გამოიტანა. მესამე სექტორის პროტესტისა და ცენტრალური მთავრობის მიერ გამოთქმული შენიშვნების შემდეგ, აუქციონის პირობები შეიცვალა. მყიდველს სამედიცინო (ფსიქიატრიული) პროფილის შენარჩუნება 10 წლის ნაცვლად, 50 წლის განმავლობაში დაევალა. ობიექტის მფლობელმა სარეაბილიტაციო სამუშაოები ხელშეკრულების გაფორმებიდან, 8 თვის ვადაში უნდა დაიწყოს და არაუგვიანეს 36 თვის ვადაში დაასრულოს. ობიექტის მოდერნიზებისა და თანამედროვე სტანდარტების ასამოქმედებლად 1 000 000 ლარის ინვესტიცია უნდა განხორციელდეს.
3
s
s
s