21, ნოემბერი 2018 20:04:00
ბავშვთა მიმართ ძალადობა და გამოწვები, რომლებიც ამ კუთხით არსებობს. რამდენად ხშირია რეგიონში მოზარდების უფლებების დარღვევის ფაქტები და რამდენად მაღალია მაჩვენებელი, რომელიც აჭარაში ამ მიმართულებით ფიქსირდება? რეკომენდაციები, რომლებსაც ფსიქოლოგები იძლევიან. რას უნდა აკეთებდეს სახელმწიფო ქვეყანაში არსებული რეალობის შესაცვლელად?
ის, რომ ბავშთა მიმართ ძალადობის პრევენციის მიზნით სახელმწიფოს მიერ გატარებული პოლიტიკა არაეფექტური და ხშირ შემთხვევაში შედეგის მომცემი არ არის ამაზე არასამთავრობო სექტორი წლებია საუბრობს. ორგანიზაცია „იალქანში“ მიაჩნიათ, რომ გამოწვევას ხელისუფლებამ სხვადასხვა ღონისძიებებით უნდა უპასუხოს, მათ შორის სკოლებში სამოქალაქო განათლებაა გასაძლიერებელი.
საზოგადოებრივი დისკუსიები, ძალადობის შესახებ საჯარო დებატები სკოლის მოსწავლეებს შორის, დისკუსიები მშობლებთან და მასწავლებლებთან, ღია გაკვეთილები - ამ ყველაფერმა ხელი უნდა შეუწყოს ბავშვთა მიმართ ძალადობის სტატისტიკის შემცირებას - ასე ფიქრობენ ორგანიზაციაში, სადაც მოზარდების უფლებებს იცავენ. იუნისეფი საქართველოს წარმომადგენელს მიაჩნია, რომ გრძელვადიანი კომპლექსური სამუშაოები შედეგიანი იქნება.
სპეცილიასტების ინფორმაციით, ბავშვთა მიმართ ძალადობის შემთხვევები ხშირია. ფსიქოლოგის მოსაზრებით მშობლებს მოზარდებთან მუდმივი კომუნიკაცია უნდა ჰქონდეთ და პრობლემის დაძლევაში მონაწილეობდნენ. აუცილებელია ცნობიერების ამაღლება და სხვადასხვა სახის საინფორმაციო კამპანიის წარმოება.
საქართველოში ბავშვთა მიმართ ძალადობის მხრივ საგანგაშო მდგომარეობაა. ისინი ძალადობას განიცდიან სხვადასხვა პიროვნებებისაგან, ხშირად კი მოძალადე მშობელია. სპეცილისტების მოსაზრებით, ძალადობის ან ტრავმის ზემოქმედება გავლენას ახდენს ბავშვის ტვინზე. იმ მოზარდების თავის ტვინი, რომლებიც ხშირად განიცდიან სტრესს, მთელ თავიანთ რესურსებს გარემოში არსებული საფრთხის დაძლევასა და გადარჩენაზე ხარჯავენ.