გარე სამყაროს მოწყვეტილი 35 ოჯახი ხელვაჩაურში. უამინდობის შედეგად ჩამოწოლილმა მეწყერმა საავტომობილო გზა სოფელ სინდიეთში ჩახერგა. ადგილობრივები წლებია ალტერნალიურლი გზის მოწყობას ითხოვენ. გამოყოფს თუ არა მუნიციპალიტეტის მერია თანხებს პრობლემის მოსაგვარებლად? ჩვენი ჟურნალისტი გიამბობთ
ეს სოფელ სინდიეთში მისასვლელი ერთადერთი გზაა. აქ მეწყერი გუშინ, საღამოს ჩამოწვა. შედეგად არავინ დაშავებულა, თუმცა 35 ოჯახი გარე სამყაროსაა მოწყვეტილი. აქ მცხოვრებლების თქმით, ყოველი გაწვიმებისას პრობლემა იქმნება. მოსახლეობა ხელისუფლებისგან დახმარებას ითხოვს.
ადგილობრივები გამოსავალს ალტერნატიული გზის მოწყობაში ხედავენ. მათი თქმით, მეწყერი ბოლოს ერთი თვის წინ ჩამოწვა, ხელისუფლებამ რეაგირება მაშინვე მოახდინა, თუმცა მალე გზა ისევ ავარიული გახდა.
მოსახლეობის არაერთგზის მოთხოვნის მიუხედავად ხელვაჩაურის მერიამ ტერიტორიის გეოლოგიურად შესწავლის გამო საჭირო თანხები არ გამოყო.
ხელვაჩაურის მერის მოადგილე ირწმუნება, რომ შემდეგ კვირას სოფელში მისასვლელ ალტერნატიული გზის მოწყობის გეგმას განიხილავენ, ტერიტორიას შეისწავლიან გეოლოგებიც. რატომ ვერ მოხერხდა სოფელში წლების განმავლობაში არსებული პრობლემის მოგვარება - კახაბერ ფუტკარაძე 2018 წლის არჩევნების წინასამზადის პერიოდს იმიზეზებს.
რა დრო დაჭირდება სოფელი სინდიეთის მცხოვრებლების პრობლემის მოგვარებას, ადგილობრივ თვითმმართველობაში ვერ აკონკრეტებენ.
8
s
s
s