30, ნოემბერი 2018 17:30:00
სააქციო საზოგადოება „გომარდულის“ ხელმძღვანელობასთან საგადასახადო შეთანხმება გაფორმდა. საქართველოს მთავრობის გადაწყვეტილებით, კურორტს ყადაღა მოეხსნება, თუმცა არის ერთი პირობა. აქციონერებმა, ერთი თვის ვადაში სახელმწიფო ხაზინაში მილიონ 132 ათას ლარიანი დავალიანების ნაცვლად, 20 000 ლარი უნდა გადაიხადონ. სააქციო საზოგადოება „გომარდულმა“ ფუნქციონირება 2011 წელს დაიწყო, თუმცა იმის გამო, რომ გომარდულს სამთო-სათხილამურო კურორტის სტატუსი არ აქვს, სახელმწიფო მიწის სარგებლობისთვის დავალიანება დაუგროვდათ და 2013 წელს ყადაღა დაედოთ. შეგახსენებთ, რომ აქციონერებმა საგადასახადო დავალიანების გაბათილების სანაცვლოდ, 52 ჰექტარი მიწის ნაკვეთიდან 40 ჰექტარი სახელმწიფოს რამდენიმე წლის წინ დაუბრუნეს. დღესვე მთავრობის სხდომაზე საინვესტიციო საქმიანობის ხელშესაწყობად, ინვესტორი კომპანიებისთვის პირგასამტეხლოს გადავადების საკითხებზეც იმსჯელეს.