07, დეკემბერი 2018 18:12:00
,,კვლავ მძიმეა ქვეყანაში ბავშვთა უფლებრივი მდგომარეობა. ბავშის მიმართ ძალადობის პრევენციის, მსხვერპლთა დაცვისა და დახმარების ღონისძიებები მწირია და პრობლემის მასშტაბებს ვერ პასუხობს. უწყების არაერთი რეკომენდაციის მიუხედავად, ჯერ კიდევ არ მომხდარა ბავშის ფიზიკურად დასჯის აკრძალვა კანონის დონეზე, შემაშფოთებელია ბავშვის ჩაგვრის (ბულინგის) გავრცელების მაჩვენებელი,“ - ნათქვამია სახალხო დამცველის 2018 წლის ანგარიშში.
ანაგრიშში მოხვდა შშმ პირების უფლებრივი მდგომარეობაც. ლომჯარიას განცხადებით, პრობლემად რჩება გარემოს, ინფორმაციისა და სერვისების მისაწვდომობა.
მიმდინარე წელს, ქვეყანაში კვლავ მძიმე მდგომარეობა შრომის უსაფრთხოების კუთხით. წლის პირველ ნახევარში, შრომითი მოვალეობის შესრულებისას, 77 ადამიანი დაშავდა, 35 კი გარდაიცვალა.
გამოწვევად რჩება თანასწორობის უფლებაც. ანგარიშის მიხედვით, ამ დრომდე არ განხორციელებულა საკანონმდებლო ცვლილებები, რომელსაც დისკრიმინაციის წინააღმდეგ კანონდებლობის დახვეწას ეხება.კვლავ დაბალია ქალთა მონაწილეობა გადაწყვეტილების მიღების პროცესში, პრობლემად რჩება ქალთა ეკონომიკური გაძლიერება, ქალის მიმართ და ოჯახში ძალადობის სტატისტიკა. გამოწვევად რჩება ადრეული ქორწინება და ნიშნობა.
ომბუდსმენის ანაგარიშში ხორავას ქუჩის ამბავიც მოხვდა.ლომჯარიას თქმით, საკითხის შესწავლის შედეგად იკვეთება, რომ არ ჩატარებულა აუცილებელი საგამოძიებო მოქმედებები.
გარკვეული პრობლემები კვლავ რჩება პატიმრების უფლებრივი მდგომარეობის დაცვის კუთხით. ანგარიშში მოხვდა პრეზიდენტის არჩევნებიც.
ომბუდსმენი დადებითად აფასებს რელიგიური შეუწყნარებლობის ნიშნით ჩადენილ დანაშაულზე პოლიციის რეაგირებას.
პრესკონფერენციის ბოლოს, ლომჯარიამ აღნიშნა, რომ უკვე რამდენიმე თვეა, რაც სახალხო დამცველის აპარატის შენობის ავარიულობის გამო, ნაქირავებ ფართში მუშაობს. ომბუდსმენმა იმედი გამოთქვა, რომ საკითხი დროულად მოგვარდება და უწყებისთვის მუდმივი შენობა გამოიძებნება.