19, დეკემბერი 2018 14:18:00
შინაგან საქმეთა სამინისტროს მონაცემების მიხედვით, ბოლო 9 თვის განმავლობაში, 16 წლამდე გოგონასთან სექსუალური კავშირის 153 შემთხვევა დაფიქსირდა, მათგან ხუთი, ხულოს მუნიციპალიტეტში იყო. უწყებისვე ინფორმაციით, 16 წლამდე გოგოს ცოლად შერთვის 105 ფაქტი გამოვლინდა, შესაბამისად, გამოძიებამ აღნიშნულ დანაშაულზე საქმე, 140 - ე მუხლით აღძრა. რაც შეეხება თავისუფლების უკანონო აღკვეთის შემთხვევას, საანგარიშო პერიოდში, 23 შემთხვევა დაფისირდა, მათგან ოთხი, აჭარაში იყო. 16 წლამდე გოგონასთან სექსუალური კავშირის შემთხვევები, წინა წლის მონაცემებთან შედარებით, შემცირებულია. 2017 წელს 140-ე მუხლის დარღვევის 173, 2016 წელს კი, 252 შემთხვევა დაფიქსირდა.